(श्री हेम बाहदुर बम -) प्रिय सदस्यहरू, सहयोगीहरू र घोडाघोडी क्षेत्रप्रेमी मित्रहरू,

घोडाघोडी क्षेत्र हाम्रो अमूल्य प्राकृतिक सम्पदा मात्र नभई हाम्रो पहिचान, गर्व र भविष्यको आधार पनि हो। यस क्षेत्रको संरक्षण, प्रवर्द्धन र सचेतनाका लागि हामी सबैको साझा प्रयास अपरिहार्य छ।

घोडाघोडी क्षेत्र संरक्षण तथा जनजागरण मञ्चले सुरु देखिनै स्थानीय समुदाय, विद्यार्थी, युवा तथा सरोकारवालाहरूसँग सहकार्य गर्दै दिगो विकास र जैविक विविधताको संरक्षणलाई आफ्नो प्रमुख लक्ष्य बनाएको छ। हामीले सञ्चालन गरेका कार्यक्रमहरूमा तपाईंहरूको सक्रिय सहभागिता र निरन्तर साथले नै आज हामीलाई नयाँ ऊर्जासहित अघि बढ्न प्रेरित गरेको छ।

हामी विश्वास गर्छौं—संरक्षण केवल संस्थाको जिम्मेवारी मात्र होइन, हरेक नागरिकको कर्तव्य हो। वातावरणप्रति सचेत व्यवहार, फोहोर व्यवस्थापन, दिगो पर्यटन प्रवर्द्धन र जैविक विविधताको संरक्षणमार्फत हामीले घोडाघोडी क्षेत्रलाई आगामी पुस्ताका लागि अझ सुन्दर र समृद्ध बनाउन सक्छौं।

यस यात्रामा तपाईंहरूको निरन्तर साथ, सुझाव र योगदानको लागि हार्दिक आभार व्यक्त गर्दछु।
आउनुहोस्, हामी सबै मिलेर हाम्रो धरोहरको रक्षा गरौं र विश्वलाई घोडाघोडी क्षेत्रको सुन्दरतासँग परिचित गराऔं।

धन्यवाद।

– अध्यक्ष
घोडाघोडी क्षेत्र संरक्षण तथा जनजागरण मञ्च